طريقة تحضير وصفة عمل رز بلبن بالكراميل
المكوّنات
4 أشخاص
¼ كوب رز
سكر
3 معلقه كبيره نشا
لتر لبن
فانيلا
معلقه كبيره كريم شانتيه خام
4 كيس بسكويت ساده اي نوع
الكراميل:
كوب وربع سكر
مكعب زبده او ملعقة كبيره مليانه
كوب لبن دافي
ربع كوب كريم شانتيه
ملعقة كبيرة نشا
الخطوات
الطبقه الاولى بسكويت مطحون وعليه ربع كوب زبده سايحه استخدمت بسكويت اولكر فينجر
رز بلبن عادي خالص: نص كوب رز سوتها في مياه لحد ماشربت المياه واستوت وبعد كده حطيت اللبن والسكر عليه وسبته يغلي وبعد كده طفيت عالطول علشان الرز يشرب من اللبن من غير غليان وغطيته نص ساعة بعد كده فتحت النار تاني وحطيت الكريم شانتيه والنشا دوبتهم في نص كوب لبن او مياه فاتره الكريم شانتيه بيدي الرز قوام وطعم تحفه
اخر حاجه فانيلا واول ما النشا يربط كويس نطفي النار ونحطه على البسكويت
اخر طبقه الكراميل: كوب وربع سكر نسيحهم على النار لحد ماكله يذوب من غير تقليب وبعد كده نحط عليه مكعب زبده او ملعقة كبيره مليانه ونجيب كوب لبن دافي وربع كوب كريم شانتيه وملعقة نشا كبيره ممسوحه نقلب كل مع بعض كويس ونحطه على السكر والزبده ونقلب لحد مايدوب كله مع بعض كويس لو فيه اي كلاكيع نصفيه بالمصفاه وفي الاخر زينته باللوز ونحطها في الثلاجه كده تسقع وبالهنا والشفا
=
بلغ الادارة عن محتوى مخالف من هنا
ابلغون على الروابط التي لا تعمل من هنا