أجمل ما في الخطوبةالعزومات الرومانسية.. على أحلى محلات أكل ف البلد..
واللي عمرك مانتي شايفاها بعد الزواج.. المهم نصائحي لك عند أي عزومة مع ختيبك.. قلنا رقَّه....
1 - الأول لازم تعرفي إن الشوكة والسكينة بيتمسكوا من إيديهم من الطرف
يعني مش م الوسط ولا م البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري..
أوعي.. العيش بيتقطع بالسكينة ف الطبق.. وبعدين تاخدي لقمة..لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة..أبوس كعب رجلك.. بند الشوربة ده مهم جدًاااا.. الشوربة تتشرب من غير صوتخالص..
ومن غير ماتقعدي تنفخي فيها.. زي القهوجي اللي بينفخ ف الحجرللزبون..
وطبعًاااااا عايزك تنسى تمامًا.. السلطانية اللي بتقيميها علىبقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة..
4-الرز طبعاً .. بيتاكل بالشوكة.. أوعي إيدك تتمد ع المعلقة..
وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5-المكرونة.. الاسباكتي.. برضه بالشوكة.. تتلف على طرف الشوكة..
لحد ما تخلص وبعدين تحطيها ف بؤك من سكات.. مش تشفطي المكرونة عود عود..
- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمريما اتفجعت كدة..
أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي منشنطة إيديك.. لفة الفول والطعمية اللي جايباها معاكي.. وبالهناوالشفااااااااااااا
ياااااااااااااااااااااارب يعجبكم وعايز اشوف ردودكم وتعليقاتكم
إن شآء الله تكونوآ آستمتعتوآ وحبيتوهـ مثلي ,,
آتمنى آني قدمت شي رآق لكمـ ,, !!
بلغ الادارة عن محتوى مخالف من هنا
ابلغون على الروابط التي لا تعمل من هنا