أجمل لحظات السعادة في حياة الزوجة العربية المشحرة
1..لما تفيقي من بكير ﻵخر الليل وتكوني عم تعزلي بعد ما تخلصي تاخدي حمام دافي وفنجان نسكافيه وتتمشي عالبلاط النضيف والبارد ..
2 .. منظر الغسيلات والهوا عم يلاعبن وريحتهن الحلوة عم تهفهف وأنتي قاعدة جنبن عالبرندة ( عليم الله ولا القعدة عالشط بجزر المالديف )................
3 .. لما تقولي لولادك شغلة وينفذوها بدقيقتها ( هون بتصفني بالحيط وبتقولي أنا بحلم ولا بعلم ولولا الخجل والحياء لترقرقت الدموع في عيني )............
4 .. أنو ولادك وجوزك ياكلو الطبخة من تم ساكت بدون ( بدها ملح . الملح زيادة . ما بدي بصل . ليش حاطة توم . شو هاد .... الخ
5 .. أنو ولادك يرضوا ياكلوا أصلا........
6 .. أنك تزبطي بيتك وينهد حيلك بعدين تنزلي عالسوق تفطسي بالمشي بعدين ترجعي عم تشحطي رجليكي وتفردي الغراض تتفرجي عليهن باستمتاع وبنفس ذات اللحظة يدقلك جوزك يقلك لا تطبخي جايب معي أكل (بهاللحظة ممكن تعانقي أي شي قدامك من الفرحة حتى كيس الأواعي .......
7 .. _طبعاهي مستحيلة بس منكتبها مو مشكلة _
أنو ولادك يدرسوا ويحفظوا ويضبوا البرنامج لحالهن ويروحوا يقدموا فحص ويرجعوا يفرجوكي العلامة الكاملة .....
8 .. أنك تجتمعي مع أنثى متلك وتعترف بصدر رحب بمثاليتك بدون ما تحاول تكسر معنوياتك مشان تكسب نقطة و ترضي غرورها........
9 .. أنك تاكلي تاكلي تاكلي وما تسمني ..
10 .. أنك تلاقي طلبك بالسوق بدون ما تلفي بسعر مثالي ولون مثالي وقياس مثالي ........
11 .. أنك تاكلي تاكلي تاكلي وما تسمني ....
12 .. أنو ولادك يوقفوا بصفك ويفهموا عليكي من نظرة ....
13 .. أنك تاكلي تاكلي تاكلي وما تسمني ............
*
بلغ الادارة عن محتوى مخالف من هنا ابلغون على الروابط التي لا تعمل من هنا
الخميس 22 مارس - 13:59
