كيفية طريقة عمل وصفة ميني بيتزا
المكوّنات
مكونات العجينة:
كاس غير ربع حليب دافي
1/2 كاس زيت
علبة ياغورت طبيعي
ملعقة صغيرة ماشي معمرة خميرة الخبز
باكي خميرة الحلوى
ملح
فرينة (طحين او دقيق) حسب الحاجة
مكونات الصلصة:
كيلو طماطم تكون حمراء و طايبة
4 سنينات ثوم
زعيترة
زوج ملاعق كبار زيت
ملح
فلفل اسود
للتزيين: اختياري
2 علب تونة طماطم
فلفل طرشي اخضر و احمر مقطع صغير
زيتون اخضر بلا عضم
زيتون اسود
ماييس
قطع جبن
سانوج (حبة البركة او حبة السودا)
صفار البيض
الخطوات
بالنسبة للعجين سبق و حطيت الوصفة
نحط الثوم و الزيت و الزعيترة نحمسو شوية نردو بالنا باش ميتحرقش نحطو طماطم لي نكونو نقيناها مالقشرة و نحينالها الزريعة و قطعناها قطع صغيرة نضيفو الملح و التوابل نخلطو الكل و نخلوها على نار متوسطة تتلق ماها و نخلوها حتى طيب من بعد نرحوها.نحبها ميدمة
نشكلو ميني بيتزا نعمرو الحواف بالجبن و ندهنوهم بصفار البيض نحطو الصلصة و التونة نزينوها حسب الرغبة و نرشوها بالسانوج
ندخلوها للفرن حتى طيب و تكتسب اللون الذهبي... شهية طيبة
=
بلغ الادارة عن محتوى مخالف من هنا
ابلغون على الروابط التي لا تعمل من هنا