طريقة تحضير وصفة فطائر لازانيا الدنجال Melanzane parmigiana
المقادير:
4 دنجلات كبار
بصلة متوسطة
2 فصوص ثوم
علبة كبيرة صلصة طماطم
علبة صغيرة طماطم معلبة
فرماج بارميزان
فرماج لازانيا
ملح و ابزار
2 بيضات
دقيق
زيت
زعتر
بهارات ايطالية
كفتة حسب الرغبة انا زدتها من عندي غير باش تبنن، الوصفة كدار بلا لحم
الطريقة
نقشرو الدنجال ونقطعوه على شكل دوائر او بشكل طولي و نملحوه مزيان ونخليوه من نصف الى لساعة حتى تنزل منو المرورة، نغسلوه من الملح و نشفوه مزيان من الما، في الدقيق نحطو شوية بهارات ايطالية و نمرمدو فيه طريفات الدنجال ثم ندوزوها في البيض المطرب مزيان و نقليوهم في زيت ساخنة.
كنشحرو البصلة بعد مانقطعوها مربعات صغيرة في الزيت مع الثوم و الا بغيتي تزيدي الكفتة كتزيديها هنا الا مبغيتيش كتزيدي نيشان صلصة الطماطم و الطماطم المعلبة، كتخلي الاناء على نار هادئة حتى يبدى يغلي وتزيدي الملح و الابزار، البهارات الايطالية و الزعتر و طفي عليهم.
في صينية الفرن كنصبو شوية من صلصة الطماطم و كنبداو نستفو الدنجال على شكل طبقة كنرشو الفرماج و نزيدو تاني صلصة الطماطم و نبقاو على هاد الشكل حتى نوصلو الطبقة الاخيرة ولغتكون بصلصة الطماطم و الفرماج و رشة من الزعتر.
كتدخل للفرن حتى تتحمر لينا الطبقة الفوقانية و نقدموها بالصحة والراحة
===
بلغ الادارة عن محتوى مخالف من هنا
ابلغون على الروابط التي لا تعمل من هنا