تحضير وصفة عمل الدكبوكي الكوري
المكوّنات
كوبيتين دقيق الارز
ميه حسب الاحتياج للعجن دافيه ضروري
بيضه
ذره فلفل اسود
1/2 معلقه صغيره ملح
معلقتين كبار زيت زيتون
الخطوات
فالبوله هنضيف الدقيق والملح والبيضه والميه شويه وشويه لما نلم العجينه
وتكون متماسكه ولكن مش طريه ولا بتلزق هنسخن ميه فحله ونضيف عليها مصفي وتكون الميه مش لمساها وطبق اصغر من حجم المصفى عشان البخار يطلع على العجينه وتستوي كويس ويكون الطبق ممسوح مسحه بالزيت عشان العجينه متلزقش فيه
هنغطيها وأسيبها حوالي ١٠ دقيقه تستوي على البخار هنطلعها وهي سخنه هنعجن فيها
هتكون بتلزق عادي هنستمر بالعجن فيها بدون اضافه اي شئ لما العجينه تنعم وتتلم مع بعضها ومش هتكون وقتها بتلزق خالص
هنرجعها تاني كمان ١٠ دقايق على البخار ونطلعها هنضيف عليها ذره فلفل اسود و نعجنها تاني بنفس الخطوات
هتكون برضه بتلزق هنكمل عجن لما تكون بقوام الصلصال هنقسمها ٣ كور متساوين وندهنهم زيت بسيط عشان متشققش ونغطيها هنفردها اسطوانات
ونقطعها قطع بشكل متساوي قدر المستطاع
هنحفظه فالفريزر وقت الاستخدام هنخرجه يفك خالص وبعدين يستخدم أو يستخدم فالوقت نفسه وبالهنا
ملحوظة اضافه البيضه مع رشه الفلفل الآسود اختياري
خطوه تسويه البخار لتسويته والتماسك الأصابع
=
بلغ الادارة عن محتوى مخالف من هنا
ابلغون على الروابط التي لا تعمل من هنا